Fisiek

Die kind kan reeds rondharloop, op en af spring, huppel en klouter.  Hy groei ongeveer 15cm en sy massa vermeerder nagenoeg 4.5 kg per jaar.  Hy kan al self aan-en uittrek, sy skoene vasmaak, tande borsel en sy klere vasknoop.  Gereed om te begin lees.

Sosiaal

Hy leer om verhoudinge met persone buite die gesin op te bou.  Aktiwiteite saam met ander is belangrik.  Hy moet nou leer om te gee en te neem soos hy later in sy lewe sal moet doen.  Die kind verkies om tuis by sy ma te bly of om te weet dat sy  iewers naby is.

Geestelik

Hy aanvaar God as Skepper en Vader, maar raak soms verward met die verskil tussen God en Jesus.  Hy is skrikkerig vir die feit dat God alles weet wat ons doen.  Hy hou van Bybel stories en  geniet gewoonlik die Kategese.

Seksueel

Hy is gewoonlik nuuskierig om te weet waar hy vandaankom.  Vra baie vra oor babatjies.  Stel belang in die verskil tussen ‘n man en ‘n vrou.  Seksvoorligting moet nou begin en met die verloop van tyd meer uitbrei.

Fisiek

Die kind is baie energiek.  Koördinasie verbeter. Kan al bolmakiesie slaan. Begin voortande wissel. Vind dit baie moeilik om ‘n ruk lank stil te sit. Konsentrasievermoë is beperk. Leer nou lees en        eenvoudige syfer werk doen

Sosiaal

Hy moet nou leer om sosiaal aan te pas. Leer interaksie met kinders in hoër grade. Leer geleidelik om sy emosies en gedrag te beheer. Baie afhanklik van volwassenes se goedkeuring.

Geestelik

Hy begin ‘n sin vir waardes ontwikkel. God is baie belangrik: besef God kan hom sien, maar nie andersom nie. Die kind verwag dat sy gebede letterlik verhoor moet word, en dadelik. Gereed vir meer gevorderde Bybelgebeure. Sy idees is nog net konkreet: hy kan nie abstrakte begrippe snap nie.

Hy is baie geinteresseerd in nuwe toevoeging; tot die gesin, die verskillende geslagte, en hoe babatjies in die wêreld kom. Die hoe van voortplanting prikkel nou sy belangstelling. Vra ook vrae oor die paringsproses wat hy by diere opmerk.

Fisiek

Die kind is nog steeds besonder energiek. Spierkoördinasie ontwikkel verder. Kan gemaklik skryf en inkleurpotlode hanteer. Kan nog nie lang tye konsentreer nie. Is nogal luidrugtig en baie aktief. Groei nou stadiger.

Sosiaal

Hy het hulp nodig om selfvertroue te ontwikkel. Dikwels droomverlore en besonder sensitief vir die goedkeuring of misnoeë van sy ouers en ander mense. Hou van kompeterende speletjies, maar wil altyd wen. Hy is ‘n swak verloorder.

Geestelik

Hy dink baie oor God en oor die hemel. Kan al godsdiens of Kategese vrae beantwoord oor redelik abstrakte konsepte. Helde uit die Bybel is vir hom soos lewende persone en hy geniet Bybelverhale daarom besonder baie. Kan al self besluite begin neem oor hoe hy sal optree of waarheen hy wil gaan.

Seksueel

Hy ontwikkel van volkome  selfgesentreerde tot ‘n lid van die samelewing gevolglik is hy ook meer ingestel op seksverskille by die teenoorgestelde geslag. Hantering van die geslagsorgane kom dikwels voor. Sewejarige lag soms vir toilet funksies wat hulle fassineer. Raak soms eksploratief aan ander kinders se boudjies of genitalieë.

Fisiek

Die kind se spierkoördinasie is nou so goed dat hy kan fietsry, rolskaats, eenvoudige volksdanse doen en dies meer. Groei nog heelwat. Aandagspan neem toe en hy kan dus langer aaneen konsentreer.

Sosiaal

Seuns leer nou dat dit van hulle verwag word om dapper te wees in enige situasie. Hulle is nog afhanklik van ouers en onderwysers. Geneig om baasspelerig te wees. Vorm bendes wat net uit een geslag bestaan, Agt jariges raak bewus van hulself as persone in eie reg.

Geestelik

Die kind se wêreldjie verbreed en sy belangstellings in sendingwerk kan reeds geprikkel word. Hy begin vrae vra oor dinge wat hy vroeër sonder meer aanvaar het. Kan nou self uit die Bybel lees. In die klassituasie kan hy al begryp wat Christelike liefde en vergifnis behels.

Seksueel

Hy raak nou skaam en terughoudend oor geslagsake. Vra minder vrae oor seks. Klierveranderinge groeihormone meer aktief raak in vergelyking met die meer passiewe sekshormone. Seuntjies raak maklik betrokke by “stout” grappe en vloekwoorde. Begin uitvra oor pa se rol in die voortplantingsproses.

Seuns groei nie meer so vinnig nie, maar meisies wel. Spierkoördinasie uitstekend. By sommige meisies is daar reeds ‘n beduidenis van borste en skaamhare, maar die meeste toon nog nie die ontwikkeling nie.

Sosiaal

Bendes en groep aktiwiteite is baie gewild; maar altyd binne die eie geslag. Die groepe help die kind om gesonde gedragspatrone aan te leer. Geesdrif is gewoonlik meer as waartoe hulle werklik in staat is. Wil baie graag vergelyk word met die portuurgroep.

Geestelik

Hy kan al baie van die heilsgeskiedenis begryp. Helde ook Bybelhelde, wek sy verwondering. Hy kan in hierdie stadium sterk gemotiveerword tot Christelike karaktertrekke en dade, veral deur ‘n onderwyser wat hom goed begryp. Diens aan ander is ook iets wat hy verstaan, asook die feit dat die kerk van Christus oor die hele wêreld strek.

Seksueel

Tussen nege en dirtien jaar raak die kind gereed vir die oorgang na   adolesensie. Seksuele ontwikkeling is nog nie opvallend nie. Meisies kan begin menstrueer. Soms gesels maats onderlangs oor geslagsake.